Kick out har yaye, blind har to rass.
Bruk out har teet, starve har to phart.
Mash up har mouth, nuh mek she taak.
Swell up har face, a mi a de boss.

She nuh hav nuh mumma like mi.
She nuh hav nuh puppa like mi.
She nuh hav nuh bredda like mi.
She nuh hav two pretty sista like mi.

Kick out har yaye, she luv mi too much.
Bruk out har teet, she a di madda fi mi bwoy.
Mash up har mouth, she caan eat fi gi suck.
Swell up har face, a mi a de boss.

She nuh smaddy like mi sista.
She nuh woman like mi madda.
She nuh hav two pretty daughta.
An' di one son weh mi faada.

Kick out har yaye, she guilty as sin.
Bruk out har teet,
Bout she ca gift cum gi mi madda.
Mash up har mouth,
Bout she ca sup'n fi mi faada.
Swell up har face, a mi a de boss.

Guilty Miranna, she luv mi too much.
Guilty Miranna, she tek good care a mi bwoy.
Guilty Miranna, she tell doc she drop pan stone.
Guilty Miranna, she preffer blind,

Dan mek babylon lock mi up.