Kay tagal ng naghintay

Matagpuan ang buhay

Kung saan-saan naghanap

Tupdin lamang ang pangarap

“Pangarap ka na lang ba?”

‘Yan ang aking pangamba

Sana ito’y matupad na

At hindi na tumagal pa

At ikaw nga ay dumating

Biruan ang unang dating

Ngunit hindi inaasahang

Mahulog sa pagmamahalan

Sa simula ay natakot

Baka puso ko’y kumirot

Dahil baka ako’y iwan

Nang hindi inaasahan

Lumipas ang mga araw

Pag-ibig mo’y dumadalaw

Sa mga mensahe’y ramdam

Pagkalinga’t katapatan

Pagkakakilala’y lumalim

Pinag-usapan plano natin

Tanong sa sarili’y “Ikaw na ba?”

Sagot ng puso’y “Ikaw na nga.”

Pinangarap na makita ka

Ngunit ako’y nag-aalala

Baka ako’y layuan na

Pero hindi naman sana

Pagkakatao’y dumating

Makita ka’t makapiling

Ika-apat ng Oktubre

Tayong dalawa’y malilibre

Bawat oras ay binantayan

Mula paggising sa higaan

Hanggang sa byahe’y nagtatanong

Tibok ng puso’y tumatalon

At ang sandali’y heto na

Ikaw ay abot-kamay na

Agad ika’y nakilala

Parang anghel ang hitsura

Paglapit mo ika’y ilang

Di mawari ang dahilan

Marahil ika’y baguhan

Kaya mayro’ng agam-agam

Sinubukang ika’y aliwin

Upang ang takot mo’y pawiin

Sabi mo’y ayos ka naman

Ngunit mukhang hindi naman

Dahil ayaw kong sayangin

Ikaw ngayo’y sa ‘king piling

Magandang mukha’y pinagmasdan

Habang tayo’y nagkwekwentuhan

Ang labi mo’y sadyang maganda

At may mapupungay na mata

Katawa’y kahali-halina

At kaakit-akit na porma

Sa KFC ika’y yinaya

Upang ituloy ang ligaya

Habang sa daa’y naglalambing

Sadyang masarap sa ‘yong piling

Pagmamahal mo’y naramdaman

Kabutiha’y di matawaran

Ngiti mo’y di malimutan

Pag-ibig sayo’y walang hanggan

Doo’y lalo kang nakilala

Ang lambing mo’y ipinakita

Pagtawa mo’y nakakahawa

Kay palad ko, ika’y nakita

Ilang sandali ang lumipas

Pag-ibig nati’y pinamalas

Sa mata ng mga saksi

Kaibigang Tab 23

Pagkatapos ay nag-videoke

Tradisyon na sa mga EB

Paglalambinga’y mas lumalim

Ikaw lamang ang mamahalin

Theme song nati’y aking inawit

Habang sa iyo’y nakakapit

“Minsan Lang Kitang Iibigin”

Hayaan mong ika’y mahalin

Pagkatapos nito’y kumain

Halo-halo ang order natin

Sintamis ng pag-ibig natin

Ayoko nang ito’y tapusin

Tapos ay naglakad-lakad

Ikaw pa ri’y hinahangad

Picture ditto, picture doon

Sa puso ko ika’y nando’n

At sa wakas ika’y na-solo

Tayo’y nag-usap ng totoo

Dito’y lalo mong pina-ibig

Ang tulad kong ikaw ang ibig

Oras ng pag-uwi’y dumating

Ika’y mawawala sa piling

Mahirap mang ito’y tanggapin

Ngunit kailangang harapin

Magkasabay tayong umuwi

Sa upua’y muling nagkatabi

Huling lambinga’y iwinaksi

Tunay sayo’y di nagsisisi

At ikaw ay nagpaalam na

Sa pagbaba’y tinatanaw ka

“I Love You” na lang ang winika

Tunay na minamahal kita

Ligaya lang ang nadarama

Ika’y sa puso’t ala-ala

Wala ng hahanapin pa

Ang buhay ko’y kumpleto na

Salamat “Love” sa pagmamahal

Ika’y nakilalang marangal

Hinayaang ika’y mahalin

Pangako ika’y iibigin

Sana tayo’y tunay na magtagal

Pagsubok ay hindi sasagabal

Tanong ng iba’y “Ikaw na ba?”