A new ting a goh ann dese days.

People eye a ketch fia fo dem mattie (peers) ting.

All aroun de globe a de same ting.

Mattie farmers a graze dem cow a pasture,

Next ting ya know, two or tree a 'h cow gaan.

Egg, fowl, turkey, hog, goat too an all.

Some pass by mattie jewelry shap a day time,

Den come back a nite, ramsack and loot all.

Lard! Mattie spen big, big money fo dem tings.

Dem a rab shoe stores, grocery stores,

Hol up Delis an Bodegas too.

But do dey gah fo shoot?

Taxi drivas not safe dese days.

Some shoot dem point blank an tek de money.

Oddas run aff wid de fare wen dem reach.

De Dow keep goin up like sea-saw.

Jobs dowsize from de tap down.

Machines a tek de place a man.

Life-style changes occurrin caus a increase prices,

An demand a return to some ancestral habits -

Harse-back riding, go-cart, carriage as fuel up and hitch-hike.

No money fo doh wah we used to doh.

De price a oil risin steady, yet we buy more dan we need.

"Me nah gat money", yet ya rip down ya house an re-finance.

Inflation dis, inflation dat. Recession dis, recession dat. Who fo blame?

Some seh, "Ya know, ya real funny."

Me ansa seh "A waan seh Comic Strip,

But dem all capy-righted!