Pagod

-

-

  Matapos lumakad ng limang daang tapak

At pawis na di bumubutil kundi tumitipak

Dilig ang mga kasingitngitang naglilibag

Walang linaw ang pag-usad sa katauhang bilad

-

   Kapaguran nga ba ang turing sa di matapos na pagsisipag?

Walang bahid ng kabayaran sa uhaw na pamamayagpag

Isang katauhang ang paguunawa ang tanging hangad

Sa nais ng hitik na ani pati buto sinasagad

-

   Kaunting sandali, makapag isip at malibang

Kakaramput na balintataw ay lumibot sa pampang

Tumingin ng malayo, humiwalay kahit panandali lang!

Maitigil ang blankong pagiisip na nagsusumigaw

-

   Galit sa pagusad ng mundong kay bagal

Na ang pagunalad ay tila sumasabay lamang

Walang ipong yaman kundi mga pagkakautang

Na sa pagiimpok hiling ay kabayaran

-

   Ako ba'y maiingit sa kanila na tila walang tigil ang kayamanan

Na sa pag-ani ng salapi tila walang butaw

Hindi man maalayan, sapat na ang Iyong pagmamahal

Manatili ang lakas, manatiling may kalusugan

- 

   Kaunting tulog, kaunting katahimikan

Munting sandali apuhap ang kawalan

Titingala at dili magaalay ng dasal

Salamat po sa pahinga, Dakilang Maykapal.

-

-

3rd month ni yen